السلام
اكيد فقدتوني صح :p
المهم يعني من البدايه اقولكم اللي ماله مزاج وماله خلق لا يقرا لانه البوست بس تحلطم في تحلطم
الله كتب مزاجي اليوم يكون تحلطم
المهم نبلش
-----
اهم شي اني يايه اتحلطم وعند اول موضوع وقفت الكلمات
____
سالفه الزواج
ياربي ليش العموم هاب فيها
يعني كل يومين ناط احد بيتزوج
اهو عليهم بالعافيه والله يهني سعيد بسعيده بس مادري ليش وايد الناس تتحسسني انه ترا الزواج اهو المسار الطبيعي والحقيقي للحياه اللي يبي ينجح بحياته لازم يتزوج والا ياخر هالموضوع جنه قعد يلعب وصايع
وطبعا اللي يقول انا مابي اتزوج هذا مغضوب عليه ليوم الدين
واي شدعوه جد والله
يعني البنات اللي حوليني وايد مكبرين الموضوع بدرجه مو طبيعيه
يعني الانسان يتغشمر مره مرتين بهالموضوع انه عنسنا وكبرنا بس ترا والله غشمره يعني بما انه عمر 23 فا اغلب اللي حوليني من طقتي واقرب يعني بين 25 وو 22 المهم انه موضوعهم الدائر امبيه احنا كبرنا وعنسنا وترا من صجهم مايتغشمرون
صايره سوالف احنا ليش للحين ماتزوجنا
شنو محد يبينا
شنو ناقصنا
خنلبس جي ونكشخ ونروح مادري وين عشان ننخطب
خنقعد يم ام فلان عندها عيال يمكن تخطبنا
والله جد هالسالفه تضحك" كنا رايحين بنك الدم نتبرع بالدم ووحده من البنات قعدت يمها وحده تسولف على ما ايي دورها يعني المره فقيره قعد تسولف عن عيالها ولدي يشتغل هني ومتزوج والثاني توه متوظف وجي" المهم انه بس قامت المره والا البنيه تقولي
سمعتيها صارلها ساعه تقط علي نغزات بنخطبج؟؟
stop
اخاف اذني غير عن اذنها :p
والا انا استيعابي بطيء والا شنو الموضوع
يعني البنات اللي حوليني غثوني بموضوع الزواج
والمشكله يتشكون عندي انا اللي اكره الزواج ومن اكثر الناس تاجيلا لهالموضوع لاجل غير مسمى
والله ودي اطقهم يعني في اشياء بالدنيا اهم من الزواج
مو كل الناس تقدر تتحمل مسؤوليته وفيها مقاقه عيال وتربيه ومسؤليه زوج واللذي منه
يا بابا انا انسانه اخاف من الزواج والعيال ولا احبهم ولا فيني مقاقتهم وجد اخاف لمن احد يسولفلي
تكفى لا اتيبون طاري هالسالفه جدامي
في مواضيع بحياتنا اهم من الزواج
-------------------
الموضوع الثاني
يعني مافي انسان مايحب اهله
لو شنو ماسووا ولو شنو ماكانوا اهله ولو شنو ماعصب عليهم
وتوصل ساعات انه يسفل باهله بس وقت الصجيه يبقون اهله
اول ناس يردلهم
واذا لاسمح الله صار باحد منهم شي ركض لهم
غصبا علينا كلنا هالشي فينا
بس يعني ساعات اهلنا يعرون عرات
والا يطلعون بطلعات واي جد يقصون ويه الادمي
ويخلونه يتحسف انه طلع معاهم
السالفه ومافيها امي وخالتي
ماشالله هالثنتين اذا تجابلوا ماجنهم خوات
اربع وعهشرين ساعه نجره
وحده تقط نغزات عالثانيه
والله نغزات قويه ويقعدون يتناقشون بمواضيع وكل وحده تزعل ووتضايق وتشيل بخاطرها
وهالشي يصير مو لانهم يكرهون بعض بس لانهم يحبون بعض
يعني سوالف انا احبج قعد انصحج الله يهداج ليش ماتسمعين كلامي وثنتينهم نوعهم غصب طيب سمعي كلامي
صج عياييز :p
اللي مايعرفونه ثنتينهم انهم كوبي بيست من بعضهم
وطبايعهم نفس طبايع بعض بالضبط
امي حنانه وخالتي حنانه ثنتينهم اذا قالوا سوي هالشي وماسويتيه اللحين يزعلون
ثنتينهم ياكثر مايصرخون
ثنتينهم نفس الطبايع اللي تفشل " اي يمعه حريم نروح" انا مريضه وتعبانه وسويت عمليه ودشيت الطبيب وصار فيني وقالولي " ياما خلاص تكفى محد يابلكم المرض غير سوالفكم عن المرض"
وماينتهي موضوعهم يعني بالضبط نفس سوالف المرض تنعاد بكل اليمعات
وبعدين بس يردون البيت سواء نمت فبيتنا والا نمت فبيت خالتي وحده تقول عن الثانيه فشلتنا تقول كل سوالفها حق كل الناس " ترا ثنتينكم تسوون نفس الشي"
اما الطبع اللي جد ما اتحمله فيهم ووايد يحرجني
تخيلوا انكم عازيمن ناس فبيتكم او يايلكم ضيوف ماشي
كلكم موجودين مع الناس ماعدا اختكم الكبيره بالدوام او واحد من اخوانكم مو موجود
طاح العشا وحطوا السفره
قبل ماياكلون الناس
تقوم امكم وبصوت عالي" شيلوا اكل حق فلانه
خشوا اكل حق فلان
واي يماه فشله والله ندري تخافين عليهم وتحاتينهم بس مو جدام الناس
عسى عمرهم ماكلوا ولا بقالهم اكل ياخي يامكثر مطاعم الدنيا بس تكفى لاتفشيلينا جدام الناس
واي كل عزيمه تسوي نفس الحركه اهي وخالتي ويقصون ويوهنا
جد ماقمت اقعدب بالعزايم يا بداري مانزل والا اروح المكتبه ادرس ابركلي من قصه الويه
-----------------
الموضوع الثالث
شي طبيعي انه كل انسان مايكون كامل يكون فيه عيوب صح؟؟
زين يعني الله خلقنا جي فينا عيوب او مو شرط عيوب يمكن اشياء تعجب ناس واشياء ماتعجبهم تعجب غيرهم
المهم بالنهايه انا دام الشي يخصني انا صاحبه العلاقه يعني لازم يريحني انا ويرضيني
البس مبهدل
البس مشقق
البس وسيع
يزيد وزني
ينقص
احط مكياج ماحط
شي راجعلي انا بشنو ارتاح اسوي
وانا اكثر شي يقتلني بالدنيا لمن بس انزل يوم اليمعه واسمع انتقادات
والا ادش بيتنا القى بنات خالتي قاعدين او اي احد غيرهم واسمع انتقادات
فطوم ليش شايله جنطتين ؟؟ في بعد جناط بكبتج ماطلعتي فيهم " زين سؤال ليش اللقافه يمكن وحده كانت فيها اغراضي والثانيه قررت اغيرها بالسياره رايحه مكان ماينفع انزل فيه بجنطه سبورت ولازم اغيرها"
فطوم ليش مغمجه حواجبج والا معرضتهم انتي ظريفه؟؟ " اثار الحكيم بمسلسل من مسلسلاتها" :p
المهم ياخي كيفي يمكن تدينت ومابي احف بعد شعليكم
يعني الوضع صاير ارف بس ادش بيتنا والا ادش بيت خالتي
شفيج جي وليش مسويه جي وشحقه حاطه جي
ليش طالعه بدون مكياج " يا امي مو مزاجي احط مكياج -- مامداني احط مكياج - اعتبروني فقيره مكياجي خلص وماعندي فلوس اشتري " شتبوون
خلاص بس انتقادات والله الكلمه الطيبه صدقه
مو لازم كل شي تسويه الناس يعجبكم كافي انه الناس مرتاحين بلبسهم وشكلهم
-----------------
اخر موضوع اتحلطم فيه صج اخر موضوع :p
اكتشفت انه مكتوب على يبهتي البنك المركزي او بنك التسليف
كلمن شاف ويهي قال يبي فلوس "
صج الحمدلله الناس اللي قعد احش فيهم مايقرون بلوقي مو ناقصين فضايح وزف " :p
المهم
صج والله يمكن ويهي يوحي ترا عندها فلوس وايد
"ترا اذا ويهي يوحي غلطان ويهي"
عايشه على قد حالي والحمدلله اللي عندي مكفيني بس مو ملكه والله :p
يعني بدون ذكر اسامي
في ناس ماتدري مثلا ابوي شنو يشتغل ولا يدرون شي
المهم فبالهم اني انا على الله وطرق الاعانه مالت الجامعه " يعني هالشي طبيعي حال كل الطلبه مو بس انا"
وكل مايدقون علي نبي فلوس نبي سلف
للحين الوضع طبيعي وعليهم بالعافيه اي شي عطيتهم او بعطيهم ياه طالع من خاطري ومن كل قلبي والله اقول عليهم بالعافيه ولايردونهم محللين
بس يعني من الادب لمن تدرون انكم بتحتاجوني بيوم وتطلبون مني
لمن انا احتاجكم عاملوني عدل
الحمدلله مابي فلوس ماطلب فلوس " امي علمتني عيب اتسلف وعيب اطلب واذا ماعندي مو لازم مابي ولا احتاج"
بس لمن ابيكم بمواضيع دراسيه
اساله تخص كليتكم
لمن ادق اسال عنكم يعني كلموني بادب واحترام
مو نفسيه وعنجهيه
وتصرخون وتسدون بويهي وبعد يومين تدقون نبي فلوس
لووول يا حبيبي الاحترام شي جميل
والادب اهو متعه
الحياه
عامل الناس كما تحب ان يعاملوك
وحتى لو عندكم فلوس وتبون تتسلفون بس جي ضراط واستهبال تلعبون فيهم
بس لاتجذبون لاتالفون افلام بصوب وتفضحون نفسكم بصوب
خلاص انغثيت منكم
يعني وصلت المرحله انه الغائكم من قوائم الموجودين بالحياه صار امر لزامي
وبالفعل تم الامر
بس الفرق ان اخلاقي قررت اني ابلغكم انكم ملغيين وانه وجودكم بينتهي قريبا بس بالاول تاخذون المبلغ اللي طلبتوا بالتمام والكمام
لانه السالفه عمرها ماكانت سالفه فلوس
بس على قوله هبوه رفيجتي
اللي يفرق البشر عن الحيوانات " عزكم الله " كرامتهم
يعني الانسان من يفقد كرامته ينتقل من البشر الى ....
----------------------
بالنهايه يعني ترا حياتي طبيعيه نفس الكل
بس الفرق اني اتحلطم وايد
احب الحش مايصير اخش شي بقلبي واعور قلبي
نراكم في بوست قادم
بعد ماتنتهي الحساسيه :p
اكيد فقدتوني صح :p
المهم يعني من البدايه اقولكم اللي ماله مزاج وماله خلق لا يقرا لانه البوست بس تحلطم في تحلطم
الله كتب مزاجي اليوم يكون تحلطم
المهم نبلش
-----
اهم شي اني يايه اتحلطم وعند اول موضوع وقفت الكلمات
____
سالفه الزواج
ياربي ليش العموم هاب فيها
يعني كل يومين ناط احد بيتزوج
اهو عليهم بالعافيه والله يهني سعيد بسعيده بس مادري ليش وايد الناس تتحسسني انه ترا الزواج اهو المسار الطبيعي والحقيقي للحياه اللي يبي ينجح بحياته لازم يتزوج والا ياخر هالموضوع جنه قعد يلعب وصايع
وطبعا اللي يقول انا مابي اتزوج هذا مغضوب عليه ليوم الدين
واي شدعوه جد والله
يعني البنات اللي حوليني وايد مكبرين الموضوع بدرجه مو طبيعيه
يعني الانسان يتغشمر مره مرتين بهالموضوع انه عنسنا وكبرنا بس ترا والله غشمره يعني بما انه عمر 23 فا اغلب اللي حوليني من طقتي واقرب يعني بين 25 وو 22 المهم انه موضوعهم الدائر امبيه احنا كبرنا وعنسنا وترا من صجهم مايتغشمرون
صايره سوالف احنا ليش للحين ماتزوجنا
شنو محد يبينا
شنو ناقصنا
خنلبس جي ونكشخ ونروح مادري وين عشان ننخطب
خنقعد يم ام فلان عندها عيال يمكن تخطبنا
والله جد هالسالفه تضحك" كنا رايحين بنك الدم نتبرع بالدم ووحده من البنات قعدت يمها وحده تسولف على ما ايي دورها يعني المره فقيره قعد تسولف عن عيالها ولدي يشتغل هني ومتزوج والثاني توه متوظف وجي" المهم انه بس قامت المره والا البنيه تقولي
سمعتيها صارلها ساعه تقط علي نغزات بنخطبج؟؟
stop
اخاف اذني غير عن اذنها :p
والا انا استيعابي بطيء والا شنو الموضوع
يعني البنات اللي حوليني غثوني بموضوع الزواج
والمشكله يتشكون عندي انا اللي اكره الزواج ومن اكثر الناس تاجيلا لهالموضوع لاجل غير مسمى
والله ودي اطقهم يعني في اشياء بالدنيا اهم من الزواج
مو كل الناس تقدر تتحمل مسؤوليته وفيها مقاقه عيال وتربيه ومسؤليه زوج واللذي منه
يا بابا انا انسانه اخاف من الزواج والعيال ولا احبهم ولا فيني مقاقتهم وجد اخاف لمن احد يسولفلي
تكفى لا اتيبون طاري هالسالفه جدامي
في مواضيع بحياتنا اهم من الزواج
-------------------
الموضوع الثاني
يعني مافي انسان مايحب اهله
لو شنو ماسووا ولو شنو ماكانوا اهله ولو شنو ماعصب عليهم
وتوصل ساعات انه يسفل باهله بس وقت الصجيه يبقون اهله
اول ناس يردلهم
واذا لاسمح الله صار باحد منهم شي ركض لهم
غصبا علينا كلنا هالشي فينا
بس يعني ساعات اهلنا يعرون عرات
والا يطلعون بطلعات واي جد يقصون ويه الادمي
ويخلونه يتحسف انه طلع معاهم
السالفه ومافيها امي وخالتي
ماشالله هالثنتين اذا تجابلوا ماجنهم خوات
اربع وعهشرين ساعه نجره
وحده تقط نغزات عالثانيه
والله نغزات قويه ويقعدون يتناقشون بمواضيع وكل وحده تزعل ووتضايق وتشيل بخاطرها
وهالشي يصير مو لانهم يكرهون بعض بس لانهم يحبون بعض
يعني سوالف انا احبج قعد انصحج الله يهداج ليش ماتسمعين كلامي وثنتينهم نوعهم غصب طيب سمعي كلامي
صج عياييز :p
اللي مايعرفونه ثنتينهم انهم كوبي بيست من بعضهم
وطبايعهم نفس طبايع بعض بالضبط
امي حنانه وخالتي حنانه ثنتينهم اذا قالوا سوي هالشي وماسويتيه اللحين يزعلون
ثنتينهم ياكثر مايصرخون
ثنتينهم نفس الطبايع اللي تفشل " اي يمعه حريم نروح" انا مريضه وتعبانه وسويت عمليه ودشيت الطبيب وصار فيني وقالولي " ياما خلاص تكفى محد يابلكم المرض غير سوالفكم عن المرض"
وماينتهي موضوعهم يعني بالضبط نفس سوالف المرض تنعاد بكل اليمعات
وبعدين بس يردون البيت سواء نمت فبيتنا والا نمت فبيت خالتي وحده تقول عن الثانيه فشلتنا تقول كل سوالفها حق كل الناس " ترا ثنتينكم تسوون نفس الشي"
اما الطبع اللي جد ما اتحمله فيهم ووايد يحرجني
تخيلوا انكم عازيمن ناس فبيتكم او يايلكم ضيوف ماشي
كلكم موجودين مع الناس ماعدا اختكم الكبيره بالدوام او واحد من اخوانكم مو موجود
طاح العشا وحطوا السفره
قبل ماياكلون الناس
تقوم امكم وبصوت عالي" شيلوا اكل حق فلانه
خشوا اكل حق فلان
واي يماه فشله والله ندري تخافين عليهم وتحاتينهم بس مو جدام الناس
عسى عمرهم ماكلوا ولا بقالهم اكل ياخي يامكثر مطاعم الدنيا بس تكفى لاتفشيلينا جدام الناس
واي كل عزيمه تسوي نفس الحركه اهي وخالتي ويقصون ويوهنا
جد ماقمت اقعدب بالعزايم يا بداري مانزل والا اروح المكتبه ادرس ابركلي من قصه الويه
-----------------
الموضوع الثالث
شي طبيعي انه كل انسان مايكون كامل يكون فيه عيوب صح؟؟
زين يعني الله خلقنا جي فينا عيوب او مو شرط عيوب يمكن اشياء تعجب ناس واشياء ماتعجبهم تعجب غيرهم
المهم بالنهايه انا دام الشي يخصني انا صاحبه العلاقه يعني لازم يريحني انا ويرضيني
البس مبهدل
البس مشقق
البس وسيع
يزيد وزني
ينقص
احط مكياج ماحط
شي راجعلي انا بشنو ارتاح اسوي
وانا اكثر شي يقتلني بالدنيا لمن بس انزل يوم اليمعه واسمع انتقادات
والا ادش بيتنا القى بنات خالتي قاعدين او اي احد غيرهم واسمع انتقادات
فطوم ليش شايله جنطتين ؟؟ في بعد جناط بكبتج ماطلعتي فيهم " زين سؤال ليش اللقافه يمكن وحده كانت فيها اغراضي والثانيه قررت اغيرها بالسياره رايحه مكان ماينفع انزل فيه بجنطه سبورت ولازم اغيرها"
فطوم ليش مغمجه حواجبج والا معرضتهم انتي ظريفه؟؟ " اثار الحكيم بمسلسل من مسلسلاتها" :p
المهم ياخي كيفي يمكن تدينت ومابي احف بعد شعليكم
يعني الوضع صاير ارف بس ادش بيتنا والا ادش بيت خالتي
شفيج جي وليش مسويه جي وشحقه حاطه جي
ليش طالعه بدون مكياج " يا امي مو مزاجي احط مكياج -- مامداني احط مكياج - اعتبروني فقيره مكياجي خلص وماعندي فلوس اشتري " شتبوون
خلاص بس انتقادات والله الكلمه الطيبه صدقه
مو لازم كل شي تسويه الناس يعجبكم كافي انه الناس مرتاحين بلبسهم وشكلهم
-----------------
اخر موضوع اتحلطم فيه صج اخر موضوع :p
اكتشفت انه مكتوب على يبهتي البنك المركزي او بنك التسليف
كلمن شاف ويهي قال يبي فلوس "
صج الحمدلله الناس اللي قعد احش فيهم مايقرون بلوقي مو ناقصين فضايح وزف " :p
المهم
صج والله يمكن ويهي يوحي ترا عندها فلوس وايد
"ترا اذا ويهي يوحي غلطان ويهي"
عايشه على قد حالي والحمدلله اللي عندي مكفيني بس مو ملكه والله :p
يعني بدون ذكر اسامي
في ناس ماتدري مثلا ابوي شنو يشتغل ولا يدرون شي
المهم فبالهم اني انا على الله وطرق الاعانه مالت الجامعه " يعني هالشي طبيعي حال كل الطلبه مو بس انا"
وكل مايدقون علي نبي فلوس نبي سلف
للحين الوضع طبيعي وعليهم بالعافيه اي شي عطيتهم او بعطيهم ياه طالع من خاطري ومن كل قلبي والله اقول عليهم بالعافيه ولايردونهم محللين
بس يعني من الادب لمن تدرون انكم بتحتاجوني بيوم وتطلبون مني
لمن انا احتاجكم عاملوني عدل
الحمدلله مابي فلوس ماطلب فلوس " امي علمتني عيب اتسلف وعيب اطلب واذا ماعندي مو لازم مابي ولا احتاج"
بس لمن ابيكم بمواضيع دراسيه
اساله تخص كليتكم
لمن ادق اسال عنكم يعني كلموني بادب واحترام
مو نفسيه وعنجهيه
وتصرخون وتسدون بويهي وبعد يومين تدقون نبي فلوس
لووول يا حبيبي الاحترام شي جميل
والادب اهو متعه
الحياه
عامل الناس كما تحب ان يعاملوك
وحتى لو عندكم فلوس وتبون تتسلفون بس جي ضراط واستهبال تلعبون فيهم
بس لاتجذبون لاتالفون افلام بصوب وتفضحون نفسكم بصوب
خلاص انغثيت منكم
يعني وصلت المرحله انه الغائكم من قوائم الموجودين بالحياه صار امر لزامي
وبالفعل تم الامر
بس الفرق ان اخلاقي قررت اني ابلغكم انكم ملغيين وانه وجودكم بينتهي قريبا بس بالاول تاخذون المبلغ اللي طلبتوا بالتمام والكمام
لانه السالفه عمرها ماكانت سالفه فلوس
بس على قوله هبوه رفيجتي
اللي يفرق البشر عن الحيوانات " عزكم الله " كرامتهم
يعني الانسان من يفقد كرامته ينتقل من البشر الى ....
----------------------
بالنهايه يعني ترا حياتي طبيعيه نفس الكل
بس الفرق اني اتحلطم وايد
احب الحش مايصير اخش شي بقلبي واعور قلبي
نراكم في بوست قادم
بعد ماتنتهي الحساسيه :p
12 comments:
انا عندي الحل لج وراح ترتاحين
طنشي x طنشي
سالم ولد سالم:
اهو انا مطنشه لابعد الحدود ماخذه مبدا الصمت اعظم لغات الكلام :p
بس كان مزاجي حش فا حشيت فيهم
و الله الأوادم ما راح يخلصون من الحجي و الله لا تحرين عمرج ولا شي
وويع على موضوع الزواج اللي ما يخلص و ترى اذا تزوجت الوحده لا يكون بترتاح ؟؟؟؟؟؟؟؟؟؟؟الحنه عاد بتبدى حملتي و لا لأ وليش ما حملتي يعني الواحد ما يخلص
اهم شي تكونين مقتنعة بنفسج و الله انا مره وحده يتني جان تقولي ليش ما تزوجتي ؟؟ جان اقولها مادري و الله جان تقول ليش ما تسوين تجميل حق خشمج يمكن اهو اللي مموقف نصيبج !!!!!!
اهم شي خشمي موقف نصيبي
ماساة العالم
امبي شكلي انا قاعده اتحطلم
واي والله لو منج اقولها شتبين عاجبني خشميي
تحلطمي حبيبتي لازم الانسان يطلع طاقات يتحلطم شوي
قوه ..
هاذا اول تعليق لي على مدونتج و طبعاً ما راح يكون الأخير ، =p
و معنه حدي مريضه و تعبانه بس صج ضحكتيني لول
أمبيه من أول البوست لي آخر جمله فيه و انا اقول " إي والله " و اتحلطم معاج :/
صج في ناس اذا ما تحلطمتي عليهم يصير فيج شي و ما ينفع معاهم غير انج ترفعين الجام و تنطشينهم ، و انا بالفتره الأخيره وايد قاعده أمر بهالحاله :/ ،
بإنتظار بوستج القادم بعد الحساسيه الي انا أيضاً قاعده اعاني منها .. =p
ثلجيه القلب والاقراط:
يا حيالله من زارنا نورتي بلوقي
اول شي احم عجبني اسم بلوقج وايد عليج بالعافيه بس صج والله حلو
ثاني شي ايي والله ترا التحلطم مو متعه بالحياه تفريغ شحنات يعني مو شرط اللي يتحلطم متضايق بس يعني ضحك :p
وعالحساسيه ذبحنا الجو مادري متى نفتك
امس ايدي اليمين تحكني استانست عبالي بحصل فلوس واحط اخر شي والا حمره ومنتفخه من الحساسيه :p
لووووووووووول
امبي ضحكتيني
وسالفه الزواج لازم تكونين مقتنعه فيها عدل عشان تقدمين عليها :)
مالج شغل بكلام احد
اما امج وخالتج بدعو :p
malak:
هذا شي من ولا شي
والله اذا بتضحكين قعدي مع امي وخالتي وضحكي ابداع كوني والله
وشي اكيد اهم شي بالزواج الاقتناع
قصدي اني اكون مقتنعه بنفسي اني اقدر على هالشي
ورحم الله امرئ عرف قدر نفسه
شاكرتلج مرورج حبيبتي
السلام..
يبط جبدي اللي تجابلني وتقولي يارب تتزوجين تحسسني اني ناقص شي بسم الله علي انزين انا مابي احس بعدي صغيره تقول اي بيبي انزين شكو تعصبين استغفرالله مادري قاعده ع جبدها @@
الموضوع ال2 انتي اختي او اختي امي تسوي نفس الحركة بالاكل واغلب سوالفه عن المرض الظاهر هذي م علامات الام الكويتيه :)
لموضوع ال3 كان عن شنو نسيت خل اجيك اي عن التدخل ياتحقرينهم ياتطفرينهم احسن حل ..
وسالفة الاخيره مايستحون امبيه مااعرف شلون هـالنوع عايشين الله لايبلانا يارب ويهديهم ..
مرسو خيتو..
topic66, [url=http://www.chop.edu/forum/user/profile/8207.page]buy klonopin no prescription[/url], :-) srq, http://www.chop.edu/forum/user/profile/8207.page buy klonopin no prescription :-(, [url=http://www.chop.edu/forum/user/profile/8208.page]cheap xanax 2mg[/url], :-( luo, http://www.chop.edu/forum/user/profile/8208.page buy xanax 2mg *sorry*, [url=http://forum.cprs.ca/default.aspx?g=posts&m=6]order adipex online[/url], ;-( kxw, http://forum.cprs.ca/default.aspx?g=posts&m=6 order adipex online :-(, [url=http://forum.cprs.ca/default.aspx?g=posts&m=7]buy alprazolam without prescription[/url], :-( ymv, http://forum.cprs.ca/default.aspx?g=posts&m=7 buy alprazolam no prescription *sorry*, [url=http://forum.cprs.ca/default.aspx?g=posts&m=8]buy ambien without prescription[/url], :-) enu, http://forum.cprs.ca/default.aspx?g=posts&m=8 order ambien no prescription *sorry*
hi! [url=http://esnips.com/web/minnaregina/]Hello. And Bye.
[/url] http://esnips.com/web/minnaregina/ free nude video clips of milfs
thanks!
free nude video clips of milfs
http://markonzo.edu http://aviary.com/artists/Synthroid-oral http://www.netknowledgenow.com/members/lasix-side-effects.aspx http://profiles.friendster.com/lipitor#moreabout tessellating widest http://blog.tellurideskiresort.com/members/buy-clomid.aspx http://profiles.friendster.com/crestore#moreabout nemesis http://www.fiql.com/blogs/Nifedipine http://profiles.friendster.com/neurontin#moreabout tanquecitos miraculously http://aviary.com/artists/Ezetimibe http://riderx.info/members/avapro-75-mg-avapro-tabs.aspx http://profiles.friendster.com/nizorals#moreabout moreshawn inde
Post a Comment