الأحرار

تزامنا مع الذكرى السادسه والاربعون لاصدار الدستور

لاننا نؤمن بحرية الاختيار

لاننا نعي باهمية نشر الوعي الحقيقي والثقافة بين الجيل الحالي

نعلن عن تأسيس

مجموعة الأحرار

***

ما هي مجموعة الأحرار:

مجموعة توعوية ,تثقيفيه وأكاديمية تهتم بخدمة الطالب الجامعي داخل وخارج أسوار الجامعه في النواحي سابقة الذكر بعيدا عن التكسبات الانتخابية حيث أننا لا نخوض انتخابات الاتحاد أو الجمعيات والروابط في الكليات الجامعية

* أهدافنا:

1-مساعده الطالب الجامعي وتسهيل عملية تخرجه

2-نشر الوعي الثقافي والسياسي والاجتماعي بين الطلبة لتأهيلهم للحياه مابعد الجامعية

3-العمل لكل مافيه مصلحة الكويت أولا وأخيرا

المؤسسين:

هبه العازمي-فاطمة نعمتي

تاريخ التأسيس:

11-11-2008

***

اللحين بالعامية :p

الموضوع يا محفوظين السلامه

احنا طلبه او بالاصح طالبات بجامعه الكويت

اشتغلنا بالانتخابات الجامعيه 4 و 5 سنين

يعني شبعانين انتخابات وعارفين الطبخه وعارفين الغمنده وشنو يدور في هذي الزوبعه

فكرنا بفكره

صج بكل الكليات في جمعيات وفي روابط بس مو قعد نستفيد منهم ولا قعد يخدمونه ويفيدونه بشي

حتى الدورات والامتحانات والاشياء اللي يقدمونها ماتتعدى المواد التمهيديه او المشتركه بين التخصصات

بس من انتخصص بكليتنا او باي كليه نلقى صعوبات وايد بمواد التخصص

مافي امتحانات قديمه

مافي نوتات قديمه

مافي دورات ولا في مدرسين يشرحولنا

وطبعا عندنا بدون اوراق وامتحانات قديمه الانسان يضيع

المهم فكرتنا انه ناسس مجموعه بعيده بعد تام وكلي عن الانتخابات

يعني لاننزل ولا نرشح نفسنا ولا نحتاج نقنع احد بمبادئنا ولا هم يحزنون

مجموعتنا لها غرضين الاول اكاديمي

يعني نشتغل على مواد التخصص

نحاول نحصل رعايات وجذي اشياء عشان نقدر نسوي دورات للطلبه اما فبلاش او بسعر رمزي حييل

هالدورات حق مواد التخصص والمواد اللي صعبه شوي تلقالها اوراق وجذي

غير انه راح نستفيد من التلاخيص اللي احنا نسويها لمن ندرس

او رفيجاتنا يسوونها

لاي ماده احنا ناخذها او غيرنا ناخذها

يعني اللي نحصله نخشه ونوزعه على الناس اللي محتاجينه

اكيد راح نتحرك على قضايا اكاديميه

اشياء تخص الطلبه بس بصفتنا طلبه جامعه مو ناس تنزل انتخابات وتبي اصوات

الغرض الثاني غرض تثقيفي وتوعوي

يعني نوزع نشرات تثقيفيه

اشياء تهم الكل مو بس الطالب

مثال يعني اليوم بمناسبه اصدار الدستور وزعنا نشره

بالاضافه الا انه بنحاول نسوي ثقافيات ونستضيف ناس برزت في مجالها

اي كان المجال عشان يفيدون الغير

هالشي كله انشالله بيصير اذا الله قدرنا ولقينا من يلقينا ويه :p

وبس هذي الزبده وهذا الموضوع

مجموعه اكاديمية تثقيفيه

wish us luck ;)