برافو اتحاد "المهازل"

الصراحه كلمه مهازل وايد شويه على اللي صار اليوم بالجمعيه العموميه للاتحاد

اقولكم بدايه القصه

احنا حضرنا كطلبه عاديين في جامعه الكويت عشان نعرف اللي قدمه لنا اتحادنا الموقر في السنه اللي طافت

مابي اتكلم عن التقرير المالي اللي " النهب والسرقه" واضحين فيه

بس في اشياء تنرفز

كلش ماتوقعتهم جذي
ماكو تنظيم
ماكو احترام للطالبات نهائي
اول شي الموقع: مسرح اللي بالخالديه نسيت اسمه

دشينا والدخول والترحيب كان جيد خوش بنات كانوا والله
المهم انه طريقه القعده انه الشباب يكونون بنص المسرح اللي تحت والطالبات بالنص اللي فوق
طريقه التواصل بين فوق وتحت "مسجات" قال مايبون اختلاط قال

المهم

الحبايب حاشدين وبس يطرحون اي موضوع تفضل الاخ الموقر " أ.الشطي" وقدم اقتراح بقفل باب النقاش
خير انشالله؟؟

ياي جمعيه عموميه تمشون شغل بعض والعموم حاشد عشان تقفلون باب النقاش وتطمطون على بعض
صار تصويت على قفل باب النقاش بالتقرير المالي

قفلوا البيبان ويالله ابدوا بالعد
5 ثواني بالضبط مايعطون مجال حق احد يعد
مسكينه البنيه من لجنه النظام اللي فوق واقفه وتعد باصبعها مامداها تكمل تعد المؤيدين والا ينط يقول عدوا المعارضين

ارفعوا 10 بنات ايدهم معارضه

بعدها عدوا الممتنعين وهم في مجموعه بنات ممتنعين

مادري عن الشباب كانوا تحت وماندري شلون يعدون

والله 5 ثواني جن يقول

المؤيد 200 وشي
المعارض 0
الممتنع مادري قال 0 والا 7 مو متاكده


اهني تبققت عيونه

نعم شنو معارض 0 في 10 بنات فوق


طلبنا المايك وقلنا في بنات معارضين على اي اساس معارض صفر

وااي رده استفزازي

"توه يوصلني مسج بارقام البنات"
طيب دام توه يوصلك مسج يعني انت اصلا ماحسبت الطالبات على اي اساس قلت يقفل والمؤيد والمعارض
خير شصاير بالدنيا؟؟
وطافت السالفه


بطلوا موضوع انهم مالقوا حل لموضوع الشعب المغلقه وانه اهما اتحاد المفروض يلقون حل واهما دامهم يطالبون بقانون " الاختلاط" مع التحفظ على هالمصطلح ليش مالقوا حل


جوابه احنا حاولنا كثر مانقدر وحجي ماله داعي واحنا ضد الاختلاط

المهم وحده من البنات استاذنت من لجنه النظام مالت الطالبات قالت بتكلم ورفعت ايدها وعطوها مايك

قالتلهم دامكم ضد التعليم المشترك او الاختلاط ليش للحين عندنا بكليه العلوم شعب مختلطه وعددتلهم التخصصات

صار هدوء
جن يقول مسؤول المايك

انتي تكلمتي بدون استأذان وكلامج غلط ومادري شنو خربط

شنو بدون استاذان؟؟ بدون استاذان شلون وصلها المايك

وشلون تستاذن منك اذا انت
لا تطالع فوق صوب الطالبات
ولا تنطر لين يوصلك مسج مادري ليش مستعيل
ولا اصلا حاسب اهميه للطالبات

اهني عصبنا وبناتهم بروحهم يو اعتذروا وانه الغلط منهم

وخقوا يوم شافو كرنيه صحافه
المهم خقوا بس عالطل لا شفنا اعتذار ولا شي

فا لملمنا شتاتنا وقمن


اللي يضحك
انه بالاتحاد في معاهم عضوات مرشحات بالاتحاد
ومثل الشباب لازم يتحاسبون
بس اللي قاعدين عشان يتحاسبون بس طلبه ولمن سالناهم اذا بنحاسب الطالبات جن تقول كاهم قاعدين هني كلميهم يمج وحاسبيهم

زين وبالله شاب بيحاسب طالبه عضوه بالاتحاد مقصره شيسوي؟؟

وشي اخير قتلني

من بعد عد اول مره والخربطه
والا وحه من لجنه النظام تقول حق وحده ثانيه
خلاص اي تصويت دزيلهم مسج
المؤيد 95
معارض 10
وماكو ممتنع :S

زين فرضا غيرنا راينا مانبي نعارض نبي نايد :p

والا شنو العموم بس يشوف اللي يمه ويقلد
محد يبي يناقش

غثيتونا وانتوا
تقفلون بيبان النقاش
عليتوا قلوبنا وانتوا مهمشين دور الطالبات
تنظيمكم جدا فاشل
وشحقه جمعيه عموميه العموم يصفق حشى مهرجان خطابي مو جمعيه عموميه


بس بالنهايه ماقول غير تعودنا على مهازلكم يا ائتلافيه


وبالمره اليايه خفوا عالمصاريف شوي

شدعوه مصاريف جمعيه عموميه 1145


توزعون ذهب واحنا ماندري؟؟

حتى ماي ماكان عندكم

***

وسطيون قد أنجبتنا الحياة لكم نجيء
مبدأنا سام وفكرنا بالمجد عريق
نحن أصل القوائم...نحن للحق جنود
نحن للعدل اتيناكم ..مرجعنا دستور وهيم
اسلامنا محفوظ في قلوبنا ولسنا به نستهين
علمتنا الحياه كيف يرجم بالحجاره من ينطق بالحق ويستقيم
باقون رغم انف من عادونا رغم انف بيت اصيل
باقون رغم انف قوم حللوا بالدين لانفسهم من الذنب العظيم
باقون رغم انف طائفي, قبلي...باقون بوطن ديمقراطي
قد مللنا اتحاد ليس للعهد واف
قد مللنا اتحاد لأسراره خاف
قد مللنا اتحاد ائتلافي
وسطنا بالفكر القويم يجيء
وسطنا رغم انف مستقل ائتلافي...يشتعل ليضيءPost Options