تهقون أنزف؟؟

مسا الخير

ادري كلكم تبون تعرفون أخبار السياره :p


اولا احب اخيب امالكم واقولكم انه صارت مضاعفات اثناء العمليه


اكتشفنا خيانه بعض القيادات العيا " الام المصون" وشقيقتي" اللي بسجل السياره بسمها


عشان تكونون بالصوره

سيدات المجتمع الراقي قبل مايسافرون بجم يوم عطوني انباء مغلوطه انهم وقعوا اوراق السياره واني راح استلمها يوم الثلاثا
وسافروا يوم الاثنين في امانه الله
واقعد يوم الثلاثا انطر انطر حبي اليديد توصل
وماكو فايده
يوم الاربعا نفس الحال وماكو مايا شي
يوم الخميس بطيت الجربه ورحت حق نائب الرئيس "اخوي" اساله عنها قالي ناطر الوكاله يدقون
جن اقول لااا السالفه فيها انه لازم انا اروح اشوف شسالفه
وشللت قشي ورحت الوكاله
وانصدم انه الانسات مسافرين ومو موقعين الاوراق
واني صيده كنت وقصوا علي :s

يعني لازم انطر لين يردون وبالاساس الشركه اللي بيحطون السياره عليها وافقت بس طلبت مبلغ مالي "مقدم"

وانطر اسبوع لين ترد الماما

وسويت روحي ولاااااااا هامني ولا سالت عن السياره ولا شي


اخر شي تصدمني تقولي ماراح ادفع مقدم ماعندي :s


هني انا بس فقدت الامال وقلت يالله شنسوي كلها جم سنه وافتك من هالبيت يا اهاجر يا انحاش :p


اليوم وردني اتصاله من القياده العليا مفاده روحي الوكاله اخذي الاوراق عشان باجر تودينهم البنك


واطير فشقي اروح

عاد وانا هناك احس اني سويت مصيبه :p


سوا الريال الاوراق وكل شي وقالي هاا خلاص عالبني نفس ما امج قالت

جن انط لا اسود مو بني
قالي الوالده متفقه وياي بني قلتله ماعليك اسود يعني اسود :@


قالي بحجز لا تورطيني قلتله مامن ورطه اسود اعقلها وتوكل :p


جن يقول زين شقول حق امج

قلتله انا اقوولك انت لي يت الماما قولهااا اللون البني خالص واحنا حجزنا اسود فا خلاص مافي مجال تتراجعين
انا خلصت جملتي شفته "ينفجر ضحكا"


قلتله شصاير والا يقولي امج قالتلي اقولج نفس الحجي بس مو تقوليلها اني قلتلج


(يعني اهو افشى السر واعلمني عن مخططاتهم السريه فا لازم افرد اسلحتي واعد العده عشان اعيد هيبتي المفقوده


واقوله الله يسلمكم اكتب اسود وعلى ضمانتي ويكتبلي اسود ويحجزهااا


واخذ الورقه وانطلق للمنزل واخلي الاوراق بالسياره عشان ماتشوفهم القيادات العليا


دشيت جن تقولي وين الورقه قلتلها هاا بالسياره
قالتلي نزليها قلتلها لاا باجر بوديها البنك مالي خلق
جن تقول نزليها احسن

جن اخق
واروح اخ الورقه واخشها بكتاب بايدي
وفشقي عالغرفه ماوريتها ياها


باجر من الصبح بوديها البنك

عاد اهي انشالله ماتكلم الوكاله ويزل لسانهم ويقولولها اسود وتضبط السالفه وماتشوفها الا لمن تطلع سوده


عاد تهقون انزف؟؟ :p



***


سين سؤال بالنهايه

ليش كل ماروح مستوصف القرين التخصصي ابي اسوي تحليل دم اسمع دايما هالجمله


الجهاز الشامل خربان تعالي يوم الاثنين


شسالفه ولا مره كان صاحي والا مايشتغل الا يوم الاثنين :p

انزين فرضا احد مريض فيه مرض خطير ومايكتشفونه بسبه انه التجهاز خربان يعني يكتشفونه متاخر يموت يعني على ما ايي يوم الاثنين والا شنو :p


عاد بس قلتلكم قصه السياره

وشكرا على حسن قرائتكم :D