FreNch PrINceSs

مساء الخير

شخباركم شمسوين؟؟

صارلي فتره قاطعه بس حقيقه مالي خلق اكمل القصه مليش مزاج

فا قلت اقرق عندكم شوي فبوست عشان ماتنسوني :p

اول شي افتتاحيه البوست

اصدرت قرار جمهوري بتغيير اسم البلوق من free-moi

الى

french princess

الاسباب الله يسلمكم مليت من النك القديم صارله ملازمني اقل شي 3 سنين

التجديد حلو :)

بعد الافتتاحيه

في وايد اساله تدور فبالي احس مادري شلون صايره ودي اعرف لو كنتوا بهالمواقف شتسوون؟؟

الموقف الأول

وابيكم تفكرون عدل قبل ماتجاوبون

تخيلوا عندكم صديق قريب منكم حيل

وهالانسان يستاهل كلمه صديق بكل ماتحمل الكلمه من منى

قعدتوا وقمتوا كليتوا وشربتوا ويا بعض

عمره ماغلط عليكم...وكان دايما يوقف معاكم

بالايام حسيتوا هالانسان تفكيره شوي تغير

الاشياء اللي يؤمن فيها كلها تغيرت قناعاته وجذي

جك بوم بيوم من الايام قالكم انا غيرت ديانتي

صار مسيحي يهودي ملحد او غيره

المهم انه مو مسلم

شنو بيكون موقفكم ورده فعلكم؟

شنو تصرفكم ويا هالانسان بيكون بتّمون اصدقائه والا خلاص تقطعون علاقتكم فيه

هالانسان ماتغير عليكم بولا شي للحين اهو الصديق الزين اللي دايما تعرفونه بس اهو غير ديانته؟؟

***

الشي الثاني

مو الاسلام دين الرحمه والسلام

ومافي اكراه

والوئام

ومايجوز السب واللعن فيه

وغيره من هذه الامور

ليش مايجوز نقول لغير المسلم الله يرحمه؟؟

يعني الناس بس يترحمون عى المسلمين

***

السؤال الثالث شنو تعريف الكافر؟؟

مابي تعريف من وجهه نظر احد ابي تعريف كامل يشمل كلمه كافر

لحد يقول مسيحي يهودي ملحد وغيره

لانه للعلم بالنسبه للديانات الاخرى احنا كافرين

فا شنو المعنى الحقيقي لكلمه كافر ومنو يستحق تطلق عليه هالكلمه يعني شنو مواصفاته؟؟

***

السؤال الاخير

شنو بيكون موقفكم لو بيوم من الايام وعيتوا عشان تكتشفون انه مافي شي اسمه دين

او ديانه او مذهب

وانه كل الحجي اللي كان ينقال من قبل وانه الدين جذي والدين حياة ..والخ من الكلام فارغ

يعني تكتشفون انه وجود الدين كان مجرد لعبه سياسيه لعبتها فئه من قديييييييييييييييييييييييم الزمان عشان تفرض تحكمها وسيطرتها عالناس بطريقه سهله

يعني تكتشفون انه بالدنيا ماكو شي اسمه دين وانه وجوده فقط كان عشان يكسبون عاطفتكم ويتحكمون فيكم

شنو بتكون رده فعلكم؟؟

وبس شكرا