هالسالفه سمعتها اليوم من صاحبتها وتمنيت لو بيدي شي اساعدها فيييه
قلت اشاركم القصه يمكن تقدرون تساعدونها
...
القصه
...
ح. مره لبنانيه كانت موجوده بالكويت ومتزوجه من لبناني
اشتغلت بيوم من الايام في صالون من الصالونات وصاحبه الصالون مغربيه متزوجه كويتي بس زواج مو اصلي (لحد يسال شلون ) لاني مادري
المهم
تحولت اقامتها على الصالون واهي تكفلت بفلوس التحويل كلها يعني صاحبه الصالون مادفعت عليها شي
صاحبه الصالون استقوت على الموظفات
تخليهم يكرفون من الصبح الساعه 8 او 9 لي بالليل الساعه 9 ونص وبعدها اتيي اهيا تسوي شغلها يعني بالمختصر تقعدهم لي 12 بالليل
او 1 يسوولها اعمالها بما انها بحجم الفيل فا تاخذ وقت كبير
معاشاتهم قليله جدا لدرجه انه وحده من اللي يشتغلون وياها معاشها 70 دينار بس والغرفه والاكل على المسكينه واجار غرفتها 50 دينار يعني يبقالها 20 دينار تاكل وتصرف منه لي باجي الشهر
المسكينه لمن كلمت راعيه الصالون عشان تزيد معاشها ردت عليها بكل وقاحه
:
روحي خربطي وطلعي فلوس !!
..
نرجع حق (ح) المره المسكينه مع انها متزوجه بس ماتشوف ريلها غير ساعتين باليوم بسبه شغل الصالون
ماعندها اجازات نهائيا يعني ماتعطيها ولا يوم بالاسبوع اجازه
معاشها شويه
وصاحبه الصالون تسب وتسفل فيها بكلمات بذيئه لاقصى درجه
وصلت في صاحبه الصالون انها ترفع ايدها وتطق المسكينه
المره تعبت من الوضع ولمن قررت تطلع من الصالون قامت راعيه الصالون تهددها اذا طلعتي البسج تهمه
انا عندي معارف اقدر اسويلج واسويلج واتهمج وادخلج السجن وانا ريلي يملك نص الكويت
يعني مهزاه عيشه المره عدل لا ترحمها ولا تخلي رحمه الله
وصاحبه الصالون طبعا تخربط وتخون ريلها وتقولهم اشكره لا تفكرون تقولون حق ريلي لانه خاتم بيدي
المسكينه خايفه تشتكي او تسوي شي وتشغل راعيه الصالون واسطاتها توديها بداهيه
ونفسيا تعبانه وجسميا ومو قادره تتحمل اكثر من جذي
شنو الحل برايكم؟؟
شتسوي عشان تفتك من عنجهيه وجبروت صاحبه الصالون؟؟
9 comments:
صاحبه الصالون لسان عالفاضي
ختروح حق محامي
وفي محاميين وايد عيال حلال مايطلبون فلوس خصوصا بهالقضايا
او بكل بساطه تكلم خالد عبدالجليل هالريال يموت وينشر هالسوالف ترا الشي تشوفينه صعب
بس انشالله سهل ينحل
انا بعرف الكويتيين اللي يتشكون من لسان الكويتييات
شلون يتحملون لسان مغاربه ولا توانسه ولا مصريات
وبعدين اهيا جان من الاول ماشتغلت لما شافت المعاش جذيه مايكفي يومين
الله يفرج عنها ضيقتها
i second sn3a
5al teshtki o la t5af men shay
o0 allah y3eenha
ختوريها العين الحمره ..
بالصجيه ما راح تقدر تبمبع
how cruel... i think she should leave this salon quietly without leaving a notice.. dont complain dont get urself in any kind of trouble small or big just tell her to leave.. or maybe lie and say she is pregnant and needs rest or that she needs to go back to lebanon for family emergency..
خربووطة هذي المغربية حجي عالفاضي
دام اقامتها مو عالصالوون شكو قادة اقدها صالوون ياخذها
امبين عليها راعية الصالوون ملسوونة
خلتدرس المرة خياراتها وتتكل على الله
خل ترووووح تشتكي عليها
شنو علبالاها انها بتحكمها
حلوه هذي يا اخربط يا اعيش بضيم
One word "QUIT" oo shno y3nee etlbs-ha g6'ya? If there's nothing against her then why worry?
kila_ma6goog@hotmail.com
دعواتج للعربي
المباراة صعبة
Ana ma a7eb el este3bad!
w karamat el ensan aham mn floos el denya kellaha ..!
Post a Comment